Vardy-a'n Arsenal aiin Euro a ngaihtuah zawk

Premier League champion Leicester City striker Jamie Vardy thupuangtu chuan Arsenal hnenah tun dinhmunah Euro 2016 atan insawrbing a duhthu a sawi.

Gunners hian season hmasa Premier League-a goal 24 khungtu English striker hi kar khata £120,000 hlawh turin an thlem mek a, an thlem thlu mai dawna a lan laiin Vardy hi Euro 2016 khel turin France lamah a kal rih daih thung. England manager Roy Hodgson chuan a player-te chu club lam ngaihtuah buai rih lo turin a duh.

Kum 29-a upa Vardy hian kumin February thla khan Foxes tan kum thum leh a chanve daih contract a lo ziak thar tawh a, Arsenal hian an la lut dawn a nih chuan pound maktaduai 20 tal an sen a ngai ang.

Football Writers Association Foot--baller of the Year for 2015-16 chawi-mawina dawngtu Vardy hian England tan match riat a khelh aṭangin goal thum a khung tawh a ni.