EPL Big 6 leh Covid-19

Arsenal : March thla daih tawh khan manager Mikel Arteta a positive a, an buai zui lo. October 7 khan academy staff zinga mi positive a ni tih hriatchhuah a ni a, first team-ah nghawng a nei lo. Amaherawhchu international break-ah left back Kieran Tierney chu a teammate Stuart Armstrong (positive) nen an inhnimhnai, ni 14 chhung khung hran a ni dawn a, Manchester City a hmachhawn thei dawn lo.

Chelsea : August thla tawp khan Mason Mount, Tammy Abraham, Christian Pulisic leh Fikayo Tomori te an positive a, season ṭan hmain coronavirus vanga an harsatna hi sut kianin a awm.

Liverpool : Xherdan Shaqiri, Sadio Mane, Thiago Alcantara leh Naby Keita te an positve tawh. Shaqiri erawh a vannei a, false positive a nih avangin ram tan a inlan leh tawh. Mane leh Thiago te Merseyside Derby-ah an inlan theih a beiseiawm tawh a, Keita erawh October 24 aṭangin a inlan ṭan thei ang.

Manchester City : September thla khan Riyad Mahrez, Aymeric Laporte leh Ilkay Gundogan te an positive. Mahrez leh Laporte te hi an inlan leh tawh a, Gundogan hi tun Inrinni zana Arsenal an hmachhawn hunah a inlan theih beisei a ni.

Manchester United : August thla tawp khan Paul Pogba a positive a, right back Aaron Wan-Bissaka-a'n Dubai-ah nipui chawlh hman avangin quarantine a ngai. Pogba hian season bul a ṭan thei a, Wan-Bissaka erawh fitness ṭhat tawk loh avangin match hmasa berah hian bench-ah dah a ni thung. 

Player thar Edison Cavani pawh quarantine a ngai a, tunkar tawpa Newcastle United nen an inkhelh hunah a inlan thei dawn lo a, Paris St-Germain nen UCL-a an inkhelh hunah a hman theih chauh ang.

Tottenham Hotspur : June thla khan Spurs team chhunga mi pakhat a positive a, nghawng lian tham a nei lo. Tottenham hian Covid-19 an vanneih pui thung a, League Cup third round-ah an khingpui tur Leyton Orient player engemaw zat an positive avangin khelh ngai loin an chak.