Messi dinhmun a chiang lo

Lionel Messi chuan Chile an hneh hnuah a malpui vei lam a hliam tih a sawi a, match khel tluan mah se 100% a dam a ni lo tih a sawi bawk - Argentina captain hi Peru an hmachhawn hun atan a dinhmun a chiang lo.

World champion Argentina hian Canada leh Chile an hneh avangin Copa America 2024 khelh laiah quarterfinal an lut chiang tawh a, an group match hnuhnung berah an indahṭha a nih pawhin a mak lo ang.

Argentina coach Lional Scaloni chuan, "Messi dinhmun tur tak hi tunah chuan ka la sawi chiang thei lo, hliam na tak chu a ni lo turah kan ngai a, chutihrualin a taksain chawlh hahdam a mamawh ve thei bawk.

"A dinhmun kan ngaichang dawn a, inkhel turin a inpeih tawk em, tih chu a pawimawh lai ber a ni," a ti a, a captain hi kum 37 mi a nih tawh avangin hliam tenau deuh pawh ni se chhawr luih loh a fuh zawkin a rinawm.

Messi hian Argentina tan match 184 aṭangin goal 108 a khung tawh a, an ram tana inlan tam leh goal khung hnem ber record chelhtu a ni. Copa America leh World Cup a champion pui tawh a ni.