Mexico hnehin Venezuela an tlang

Copa America 2024 khelh laiah Venezuela chuan nimin zing khan Mexico chu 1-0 in an hneh a, group match vawi hnih an khelh tawh aṭanga point ruk hmuin quarterfinal an lut.

SoFi Stadium-ah mipui 72,000 chuang an pungkhawm a, world number 15 Mexico hi chak tura rinkai leh buk rit zawk chu an ni - mahse world number 44 hian penalty vawi khat an thun chu chak nan an hmang.

Minute 57-naah Venezuela hian penalty an hlawh chhuak a, a pet tura ding chhuak Salomon Rondon chuan ram tana a goal 42 nan a khung, goalkeeper Julio Gonzalez zuan lohna lamah a pet lut a ni.

Mexico lamin sut leh theihna remchang an insiam nual, a bik takin hun tawp dawn lamah Venezuelan defender Miguel Navarro chuan penalty a chawi, mahse goalkeeper Rafael Romo chuan Orbelin Pineda-a chhuih lo dansakin an ram a chakpui a ni.

Chak lo Mexico tan beisei bo vek erawh a la ni bik lo, an group match hnuhnung berah Ecuador an la tum dawn a, an chak a nih chuan pahnihna ni chungin group stage an la khar thei ang.

Nimin zing inkhel dangah Ecuador hian Jamaica chu 3-1 in an lo hneh ve thung a ni.