East Bengal-in Neville an lalut

Season thara Indian Super League khel tur East Bengal chuan nipui transfer a rampawn player an lakluh hmasak ber ni turin Scott Neville an lalut a, Australian defender hian A League club Brisbane Roar aṭangin Indian club hi season khat chhung atan loan-in a zawm. 

Kum 31 mi defender hi season hman zawh takah khan Brisbane tan player ṭangkai a ni a, A League club tan hian season tluanin match hnihah chiah inlan loh a nei. 

Fowler-a'n Brisbane lama a lo enkawl tawh right back chuan, "India rawn pan hi ka tan chuan chona thar a ni a, red and gold jersey hak hlan ka nghakhlel tawh takzet a ni," tiin Kolkata club a zawm thei chu a lawm thu a sawi. 

Neville hian A League club dang Perth Glory leh Newcastle Jets tan pawh a lo khel tawh a, Western Sydney Wanderers tana a khelh laiin Asian Champions League-ah a inlan tawh bawk - a tawnhriat ringawt pawh ṭhatpui tham a ni.