Leverkusen coach hlui a thi

Bundesliga club Bayer Leverkusen coach hlui Sascha Lewandowski chu nimin khan Bochum, Germany-a a chenna inah thia chhar a ni a, kum 44-a upa a ni.

Lewandowski hian kum 2012-13 chhung khan Leverkusen chu Liverpool defender hlui Sami Hyypia nen head coach ni dunin an enkawl a, kum 2014 khan Hyypia ban a nih hnuah April aṭanga season tawp thleng German club a lo enkawl tawh bawk.

Kum 2006 khan VfL Bochum II aṭangin a coaching career a ṭan a, Bayer Leverkusen U19 enkawl lehin senior team thlengin coach dinhmun a luah.

Nikum khan Bun-desliga second division club FC Union Berlin enkawl ṭanin kumin March thla khan a hrisel-na dinhmunin a zir loh avanga doctor thurawn angin a hna hi a bansan.

Union Berlin presi-dent Dirk Zingler chuan, "Lewandowski thihna hian min ṭhawngin hreh-awm kan ti a, a chhungte kan tawrhpui takzet a ni," tiin an coach hlui thihna avang hrehawm an tih thu a sawi.