Sunderland-ah Van Aanholt a nghet

Kum 2018-a Sunderland-a a contract neih lai tawp tur Patrick van Aanholt chuan Stadium of Light-ah kum 2020 thleng cham turin contract thar a ziak.

Netherlands international hian kum 2014 khan Chelsea aṭangin Sunderland a zawm a, Black Cats tan vawi 69 inlan tawhin goal nga a khung sak. Season hman zawh takah khan Premier League-a an inhamtan theih nan an player pawimawh pawl a ni.

Sunderland manager Sam Allardyce chuan kum 25-a upa a defender chungchang hi sawiin, "Patrick hi season hmasa khan kan player ṭangkai pawl a ni a, tlarhnung lama a ṭangkai piah lamah a ṭhiante goal khung theihna turin a thawkrim em em a ni," tiin a left back chu goal nawr kawngah pawh a
ṭangkai thu a sawi.