Ali an vui dawn ta

Khawvela boxer ropui ber ang hiala an chhal Muhammed Ali chu zanin dar 11:30 hian a chawrchhuahna Louisville, Kentucky-ah vui liam a ni dawn.

Ali hun hnuhnung chhim duh tan ticket 15,000 chu Nilaini zing khan a thlawnin semchhuah a ni a, darkar khat chhung lekin sem zawh vek a ni.

Boxer ropui Ali ngai-sangtute zingah ticket chang tura tlaivar an tam a, mi pakhat hnenah pali aia tam pek a ni lo. Amaherawhchu Ali vuinaa tel theihna tur ticket hi online-ah $50 (Rs 3337) ten zawrhchhuah leh a ni.

Ali chhungkaw ai-awha thupuangtu Bob Gunnell chuan, "Ticket lei tum emaw zawrh tum emaw hian an thil tih mek hi an tih tawp a ṭul a ni. Ali vuina hi a thlawn veka buatsaih tum a ni a, pawisa hmuhna atana tih a ni lo," tiin an lungawi loh thu a sawi.

Heavyweight cham-pion vawi thum lo ni tawh Ali hi kar liam ta Zirtawpni khan kum 74 upa niin a thi. Khawvelin American boxer chanchin hi a ngaihven a, England lamah chuan O2 Arena-ah live-a en theih turin an pe chhuak dawn.