ATK tan Arindam a rinawm

Indian goalkeeper ṭha Arindam Bhattacharya chuan ATK Mohun Bagan tana khelh chhunzawm turin season hnih chhung atan a contract a pawtsei a, Kolkata club-ah hian kum 2018 aṭang khan a khel ṭan tawh. 

India tana vawi nga inlan thei goalkeeper hian kum 2014 a Indian Super League kalpui a nih ṭan aṭang khan inelna hi a la hmachhawn char char a, Pune City tan 2014-17 season khelin Mumbai City-ah 2017-18 khan hun a lo hmang tawh bawk. 

Kum 30 mi goalkeeper hi ATK-in season hmasaa league nomawi an chawi nana player ṭangkai a ni a, season hmasa ISL final a Chennaiyin FC nen an inkhelh ṭum khan a 'Her of the Match' atan thlan a ni hial. 

ATK tan hian right back Prabir Das leh centre back Pritam Kotal chu contract ziak thar langsar an ni a, left back Subhasish Bose, Spanish defender Tiri leh Indian defender chanchin ngah Sandesh Jhingan-te an lalut tawh bawk.