Defoe-a'n contract pawt sei

Euro 2016 khel tura koh zingah tel lo mah se Jermain Defoe chuan chanchin lawmawm a nei. A contract neih lai chu kum khat chhung atan a pawt sei a, Sunderland tan kum 2019 thleng a khel dawn tihna a ni.

Kum 33-a upa Defoe hian season hmasa khan Sunderland tan goal 15 khungin Premier League aṭanga an club tla tur chu a chhanhim a, Stadium of Light-a hun rei zawk cham chhunzawm tura an chelh pawh hi a mak lo.

Black Cats manager Sam Allardyce chuan, "Premier League chanchinah Defoe hi goal khung thei ropui bikte zinga mi a ni a, season hmasa khan harsatna karah a theihna sang tak a pholang a ni," tiin a sawi.

England striker hlui hian ram tan match 55 a khelh aṭangin goal 19 a khung ve hman a ni.