Vawiinah Jeje chawimawina

Mizoram Football Association chuan vawiin chhun dar 12:00-ah India national football team captain ni thei leh Indian Footballer of the Year Jeje Lalpekhlua chu Aijal Club-ah an chawimawi dawn.

Hnahthial tlangval Jeje-a hian season hman zawh takah goal 32 a khung a, inelna hrang hrang a telna ISL Season 2 (6 Goals), I League 2015-16 (4), 2016 Fed Cup (8), 2016 AFC Champions League Qualifier (1), 2016 AFC Cup (6), 2015 SAFF Cup (3), 2018 WC Qualifiers (1) leh 2019 Asian Qualifiers (3)-ah goal a khung vek.

Jeje hi ISL Emerging Player of the League leh FPAI Indian Player of the Year-a thlan a nih bakah Fed Cup final-ah Hero of the match leh top scorer a ni bawk. A tawi zawngin India ram mipui tluklehdingawn khat chuang awmnaah Jeje aia che ṭha season liam ta khan an awm lo.