Pele-a'n sum a hmu hnem

FIFA Player of the Century Pele chuan football a khelh chhunga a lawmman dawn leh rohlute ni thum chhung lilamna a nei a, Brazilian legend hian a rohlu 2,000 vel zet hralh chhuakin pound maktaduai 3.6 a hmu chhuak a ni.

Brazilian legend-in a lawmman dawn a lilam zingah kum 1970 World Cup-a Brazil a champion pui ṭuma a medal dawn chu £346,000 (Rs. 3,33,71,974) in a hralh a, professional match 1000 a khelh tlin hriat reng nana a thilpek dawn chu £162,000 (Rs.1,56,25,028) a hralh niin Escape To Victory movie-a Pele-a boot bun chu £8,000 (Rs. 7,71,606) a hralh a ni thung.

Kum 1958 leh 1962 World Cup-a Bra-zil an champion ṭuma Pele medal dawn pahnih chu £340,000 (Rs.3,27,93,270) a hralh niin Pele-a'n a ṭum thum nana World Cup nomawi a chawi ṭuma ama pual liau liaua Jules Rimet trophy an siam chu £394,000 (Rs.3,80,016,130) a hralh a ni.

Pele hian a thil lilam-na aṭanga a sum hmuh
ṭhenkhat hi Brazil-a nau-pang damdawi in ṭanpui nan a hmang dawn a ni.