Bolt a rawn inlar leh ta

Olympic champion Usain Bolt chuan Olym-pic inbuatsaihna hun a hmang ṭha leh ta hle a, kumin chhunga a tlan ṭhat ber ṭum tawngin Jamaica National Racers Grand Prix-ah hnena a chang.

National Stadium, Kingston-a intlansiakah Jamaican sprinter Bolt hian second 9.88 chhung-in 100m a tlan thleng a, a hnungah hian Nickel Ashmeade (9.94s) thlengin Yohan Blake (9.94s) chu pathumna a ni bawk.

Bolt hian intlansiak bul a ṭan ṭha tawk lo a, London 2012 Olympic silver medallist Blake leh Asafa Powell te lakah a hnufual, mah se tun hma lama a lo tih ṭhin tawh danin 60m an tlan meuh chuan a tlan pel leh tawh a ni. World record pawh lo siam tawhtu Powell (9.98s) chu pathumna a ni.

Kum 29-a upa Bolt chuan, "Duhthusama ṭha-in la tlan chhuak lo mah ila hnehna ka chan avang leh kumina ka tlan ṭhat ber
ṭum ka tawn avangin ka lawm hle," tiin a sawi.

June 30 hian Jamaica aiawha Rio Olympic-a inlan tur zawnna neih a ni dawn a, Olympic 100m, 200m leh 4x100 m relay-a a gold medal humhim tur chuan he hun hi a paltlang a ngai ang.