Semifinal-ah Roger Federer a tla

World number 3 Ro-ger Federer chu Domi-nic Thiem hneh loin Mer-cedes Cup semifinal a ṭangin a tla. Nizan khan Thiem leh Philipp Kohlschreiber ten final an khel zui a, result kan hre hman lo thung.

Inrinnia inkhelah Fede-rer hian set hmasa ber chu 6-3 in a la nghal mai a, mah se French Open semi finalist Thiem a zam bik lo, set hnihnaah Swiss thiampuipa match point vawi hnih hmuh tawh chu pawtthla lehin 9-7 in set a la a, set hnuhnung ber-ah 6-4 in a chak zui leh bawk.

Kum 34-a upa Federer hian quarterfinal-ah Florian Mayer a hneh chiah khan Ivan Lendl a record lo siam tawh match 1,071 a hnehna chan chu a rawn khum chiah a, champion lo mah se record thar a siam tho.

Semifinal lehlamah beiseina sang tak nena rawn kir hlim Juan Martin del Potro chu German tlangval Philipp Kohlschreiber lakah 6-3, 6-4 in a chak lo bawk a ni.