Nigeria coach hlui a thi

Nigeria national football federation chuan June 11, Inrinni khan an coach hlui Shuaibu Amodu thih thu an puang.

Nigeria tana technical director hna chelh mek Amodu hian ṭum li ngawt Super Eagles hi a enkawl tawh a, 2002 leh 2010 World Cup kha tlingpui mah se inelna ṭan hmain ban ve ve a ni.

Amodu hi kum 58-a upa a ni a, a thih hma ni thum khan Nigeria captain leh coach hlui Stepen Kehsi chu kum 54-a upa niin a thi bawk.

Nigeria Football Federation presi-dent Amaju Pinnick chuan, "Kan tan chuan chhiatna rapthlak tak a ni. Keshi thih chungchang kan la sawi mek laiin Amodu-a'n min kalsan leh a, sawi tur pawh ka van hle a ni," tiin a sawi.

Amodu hi February thla khan Nigeria coach aṭanga ban Sunday Oliseh thlak tura tih a ni a, amaherawhchu hriselna
ṭhat tawk loh vangin a hnawl a ni.