Buffon-a chawlh hunah Ka chawl ang - Casillas

Gianluigi Buffon-a'n Juventus-ah kum 40 pelh hnu thlenga khel turin contract a nei a, Real Madrid keeper hlui Iker Casillas chuan Italian goalkeeper hnung a zui tur thu a sawi.

Kum 35-a upa Casillas chuan, "Buffon chawlh hunah keipawhin ka boot ka khai ang. Tunhnaiah contract thar a ziak a, ka lawm khawp mai. Kei pawhin contract thar ka ziak ve ang. A hun a tihah chuan thutlukna a siam ang a, a
ṭhiante leh ka ṭhiante nen kan la inkhel ang," tiin a sawi.

Juventus legend Buffon chuan May thla khan contract thar a ziak a, kum 38-a upa hian 2017-18 season thleng daih contract a ziak.

Euro 2016 thlirin Casillas chuan, "Kum li liam ta khan a har zawk dawn. France an ṭha a, Belgium pawhin squad an nei ṭha a, Germany hi world champion an ni. Italy leh Portugal hi engtik lai pawhin team ṭha an ni reng bawk," tiin champion nawn a har tur thu a sawi.