Lallawmkima a champion

Mizoram Snooker & Billiards Association (MSBA) buatsaih - Mizoram State 10 Ball Pool Ranking Tournament 2024 chu Zirtawpni zan khan a hmawr bawk a ni - K. Lallawmkima, Khatla South a champion.

Inelna hi race to 10 (frame 10 la hmasa zawk zawk chak)-a khelh a ni a, final-ah hian Aizawl Electric Veng tlangval Zonuntluanga leh Khatla South tlangval K. Lallawmkima te an inhmachhawn a ni.

Darkar hnih chuang zet an khelh hnuah K. Lallawmkima'n 10-6 in hnehna a chang a, Mizoram State 10 Ball Pool Ranking Tournament 2024 Champion a ni ta a ni.

MSBA Hall, Hawla Indoor Stadium, Republic Vengthlanga inelna neihah hian Mizoram hmun hrang hrang aṭangin player 40 chuang an fuankhawm a ni.