Nikum nen a inang tawh lo - Gauff

Wimbledon hmeichhe seeded pahnihna Coco Gauff chuan inelna hmachhawn turin a inpeih tih a sawi a, season hmasa aiin kuminah beisei a nei sang zawk tih a sawi bawk.

Gauff hi tunah chuan kum 20 mi a ni ve tawh a, inelna lian zingah US Open nomawi a chawi tawh. American tleirawl chuan, "Season hmasa Wimbledon kha chu hrehawm ka ti hle a ni.

"Match hmasa berah Sofia Kenin nen kan inkhel a, seeded pasarihna ni chungin ka tla nghal. Chanchinbu lamin ka chanchin an ziah dan turte ka ngaihtuaha rilru kha a hrehawm takzet.

"A nihna takah chuan ka chak loh aṭanga kar hnih chhung vel kha chu ka nunphung khan ngai a awh lo, a hnu lamah erawh taksa leh rilru pangngai takin ka inkhel leh a, tunah chuan nikum nena khaikhin chuan puitling tawh tak ka ni," a ti.

Gauff hian zanin hian Wimbledon 2024 atana a match hmasa ber a khel dawn a, amah ang bawka American player Caroline Dolehide a hmachhawn ang.