Olympic-a tel thei lo tur Thompson-Herah

Elaine Thompson-Herah chuan a ke artui hliam vangin Paris Olympic a hmachhawn ve thei dawn lo, 100m leh 200m vawi hnih champion tawh ve ve a ni a, a inlan thei lo hi Jamaica tan chuan chânna lian tak a ni ngei ang.

Kum 31 mi Elaine Thompson-Herah hian a pumpuiah chuan Olympic medal hi panga a la tawh, kumin June thla khan New York City Grand Prix-ah a inlan a, hemi ṭum hian a hliam - tun thlengin inelna a la hmachhawn leh thei rih lo.

Instagram-ah Thompson-Herah chuan a dinhmun sawiin, "Hun rei tak chhung chu ngaiawh leh tumin ka bei a, mahse ka thei ta ngang lo a ni. Olympic ka tel thei lo tur chu a hrehawmin rilru pawh a baihvai hle.

"Mahse, a tawpah chuan hriselna hi a pawimawh hmasa ber a ni a, keimah tel thei lo mah ila Jamaica tana inelna hmachhawn tur zawng zawngte duhsakna ka hlan," a ti.

Jamaica hian Olympic hmeichhe 100m intlansiak hnuhnung paliah gold medal an la vek - Thompson-Herah hian 100m leh 200m bakah Japan rama inelna neih a nih ṭum khan 4x100m relay team huangah medal a hlawh chhuak bawk.