Zaninah Alcaraz inlan dawn

Tennis inelna ngaihhlut Wimbledon chu vawiin tlai aṭangin khelh ṭan a ni dawn a, champion lai Carlos Alcaraz chuan zanin hian a match hmasa ber atan Mark Lajal a hmachhawn ang.

Season hmasa khan Alcaraz hian Wimbledon inbuatsaih nan Queen's Club Championship-ah nomawi a chawi a, chumi hnuah grass court inelna lian berah hian a champion zui bawk.

Kuminah erawh Queen's Club lamah a nomawi a hloh a, inelna lian hmachhawn tur erawhin a inpeih tawk tih a sawi. Spanish star hian US Open, French Open leh Wimbledon title a kawl khawm tawh a, tun ṭumah pawh hian rinkai a ni leh ang.

World number 1 a nih hnuah Jannik Sinner pawhin a vawi khat nan Grand Slam a khel dawn. Italian tlangval hian zanin zan rei lamah Yannick Hanfmann a hmachhawn dawn, season hmasa semifinalist hian nikum aia thlen san a tum thu a sawi avangin bul ṭan fuh a tum dawn a ni.