Juve-in Douglas Luiz an lalut

Juventus chuan Aston Villa aṭangin Douglas Luiz chu euro maktaduai 50 (£42.35m) in an lalut. Kum 26 mi Brazilian midfielder hian kum nga daih contract a ziak.

Luiz hian kum 2019 khan Manchester City aṭangin Villa hi a pan a, match 204 khelhsakin goal 22 a khung. Copa America khelin Luiz hi United States-ah a awm mek a, US-ah hian medical pawh an nei fel.

Brazilian midfielder Luiz chuan, "Bianconero ka ni tur hi ka hlim. Allianz Stadium-a khelh hun ka nghakhlel a, kan inhmu thuai dawn nia," tiin a sawi.

Season liam ta khan Luiz hian Villa tan Premier League match 35 khelin palina a nihpui a, English club hian season tharah Champions League an khel dawn. Mahse, Villa hian Profit and Sustainability Rules (PSR) dan zawm turin an player ṭha hi an hralh a ṭul.

PSR hian Premier League lcub hi kum thum chhungin £105m hloh a phalsak a, dan an zawm theih nan theih nan Villa hian Tim Iroegbunam chu £9m-in Everton hnenah an hralh tawh a, kum 18 mi attacking midfielder Omari Kellyman chu £19m-in Chelsea hnenah an hralh bawk.