11th Mizoram Inter School Chess C'ship : Chess inelna nei mek

11th Mizoram Inter School Chess Championship 2024 chu nimin aṭang khan Ramhlun Indoor Stadium-ah khelh ṭan a ni a, inelna hi ni li chhung neih tur a ni ang.

Tournament-ah hian school hrang hrang 37 aṭangin zirlai naupang chess khel thiam mi 655 an tel a. Player tel tam ber kum niin, nikum aiin player 100 laiin an tam a ni. Inter School Chess Championship-ah hian player hi kum tin an pung chak hle. Tunah hian school hrang hrang 24-ah chess hi school (cis) programme kalpui mek a ni.

Player 655 hi Hall-in a dawl zawh loh avangin tournament hi ṭum 2-ah ṭhen sawm a ni. July 1-2 hian Primary leh Middle School ten an khel ang - july 3-4 hian High School leh Higher Secondary School ten an khel ve leh thung ang.