Top Scorer tur Lewandowksi

Goal khung thei bik Robert Lewandowksi hi Lionel Messi leh Cristiano Ronaldo te nen an hun a inrual avangin a ropui angin a ropui tawk lo a, chutihrualin striker ṭha bik na na na erawh a ropuina thup reng theih a ni lo. Lewy hian tun hian season-ah goal 15 a khung a, amah hnaih bertu Erling Braut Haaland-a'n goal 10 a khung avangin top scorer a ni chiang tawh.

Bayern Munich striker Lewandowski hian a zawnin match kua chhung goal a khung tawh a, Ruud van Nistelrooy-a record nih rualin Cristiano Ronaldo (11) chiah a tluk tawh lo. Quarterfinal-a goal a khung chiah khan Lewy hian Bayern tan UCL-ah goal 50 a khung chiah a, semifinal-ah a khung leh tawh bawk.

Kum 32 mi Lewandowski hian Champions League-ah goal 68 a khung tawh a, a tluk loh chu Cristiano Ronaldo (130 goals), Lionel Messi (115) leh Raul Gonzalez (71) te chauh an ni.