Wimbledon singles aṭangin Murray a inhnukdawk

Andy Murray-a'n Wimbledon singles khel lo turin thutlukna a siam fel a, All England Club thlah nan a u Jamie nen doubles-ah an inlan thung ang. Kum 37 mi Murray hian kuminah tennis khelh chawlhsan a tum avangin Wimbledon singles-ah a inlan dawn tawh lo.

Murray hian hnung hliam vangin ni 10 liam ta khan zai a tawk a, dam ṭha se chuan nimin khan Czech Republic player Tomas Machac nen Centre Court-a inkhel tur an ni.

Murray team chuan, "Ngai awh turin theihtawp kan chhuah a, kar khat liam ta maia zai a nih avangin ngai a awh hman lo. Singles a khel thei lo tur hi pawi a ti takzet a, chutihrualin doubles-ah erawh a tawp nan a inlan thung ang," tiin thuchhuah an siam.

British tennis star Murray hi a spinal cord-a bawk vangin zai a ni a, an zai chhan hi ke ding lamah harsatna a siam vang a ni. Murray hian Wimbledon-ah sulhnu ṭha tak a nei a, kum 2013 leh 2016 khan a champion tawh.