Khelmuala kir ka châk - Pogba

Euro 2024-a France-in Belgium 1-0 a an hneh ṭum khan inkhel entu zingah Paul Pogba a awm. French midfielder Pogba chuan khelmuala kir a châk thu a sawi.

Mancheser United midfielder hlui Pogba chuan, "Football player ka la ni reng. Ka chawlh tur thu an sawina inhmuh chuan thu belhchian dawl lo a ni ang. A êng zawngin ka thlir a, ka la inkhelh theih ngei ka ring.

"Ka la zo lo a, theihtawp chhuahin training ka la nei ṭhin. 100%-in footballer ka la ni a, khelmuala kir ka châk tawh hle," tiin a sawi.

Kum 31 mi Pogba hi damdawi hman phal loh a hman avangin kum li chhung inkhel thei lo tura hrem a ni.