LeBron James leh a fapa khel dun thei dawn

Los Angeles Lakers chuan NBA draft neihah LeBron James-a fapa Bronny James an la lut a, basketball inelna lian leh ngaihhlut hlawh ber NBA-ah LeBron-a te pafa khel dun lai hmuh theihna kawng a inhawng dawn ta a ni.

Kum 19 mi Bronny James hi Lakers tan a inlan pha ngei dawn em, tih erawh sawi thiam a harsa, vawi li champion tawh LeBron hi kum 39 mi a ni thung a, season lo awm turah hian match khat tal chu an khelh dun a rinawm.

Lakers general manager Rob Pelinka chuan, "NBA chanchinah hian pafa inkhel dun hi an la awm ngai lo a, James te hian an tihlawhtling thei a nih chuan sulhnu ropui leh chhinchhiah tlak bik a ni ang.

"LeBron hian a hma hunah duhthlan tur a nei a, kan zahsak tur a ni ang. Kan hnenah a awm zui a nih chuan duhthusam a ni ang," a ti a, James leh a fapa ten NBA khel duh thei ngei se a duh thu a sawi.