France hmachhawn turin kan inpeih - Martinez

Portugal-in round of 16-ah minute 120 zet khel mah se, coach Roberto Martinez chuan France hmachhawn tura an inpeih thu a sawi. Belgium coach hlui chuan, "Chawlh kan mamawh lo a, he hmuna awm hi kan duh.

"Tunah chuan France chiah kan thlir a, Les Bleus hmachhawn tura ni thum kan neih hi a tawk em em a ni. France hi team ṭha tak an ni a, tlarhnungah an khawng em em bawk - mahse, tlarhma lam an nawr na a, chu chuan hmun awl a siam ṭhin.

"Team ṭha tak an ni a, min tibuai thei tak tur an ni. Mahse, chutihrual chuan hetiang team hmachhawn hi nuam ka ti a, chance tam zawk kan nei thei dawn," a ti hlauh - France hmachhawn turin a inpeih.

Kum 50 mi Martínez hian Belgium golden generation-a an chhal chu August 2016 - December 2022 inkar khan enkawlin, nomawi pakhatmah a chawipui lo a, World Cup 2018-ah pathumna a nihpui. Nomawi chawi loa Ronaldo telna Portugal thlah a duh lo ang.