Inkhel hmuhnawmah Sinner a chak

Italian tlangval Jannik Sinner chuan a hnampui Matteo Berrettini lakah fiahna hautak a hmachhawn a, inkhel hmuhnawm leh inhnehtawk takah world number 1 zawk hi 7-6(3), 7-6(4), 2-6, 7-6(4) in a chak.

Player pahnih hi hi an intawn vawi hnihna chauh a ni - Wimbledon bikah phei chuan Berrettini hian tun hmain final hial a thleng tawh a, tawnhriat a nei ṭha zawk; Sinner tan hna pawh a harsat phah reng a ni.

Sinner a chak

Baseline aṭangin ball an vaw nasa a, tisualtu zawk nih an hlauin an fimkhur takzet. Darkar thum leh minute 45 an inkhelh chhungin Sinner hian a khingpui service vawi hnih a chhuhsak a, ama service ṭum li ngawt a hloh thung.

World number 1 Sinner chuan, "Berrettini nen hian ṭhian ṭha tak kan ni a, kan ram tan Davis Cup kan khel dun ṭhin. Tournament lian leh pawimawh takah, second round leka kan inhmachhawn mai hi a eng emaw zawng taka ngaihtuah chuan a uiawm.

"Ka hmuh dan chuan tennis level sang tak kan khel a, tie break vawi thum ngawt kan khelhah te khan a vannei zawkah ka ṭang mai chauh a ni," a ti a, vanneih vang chauha third round lut zawk a nih thu a sawi.

Kum 22 mi Sinner hian a match lehpekah chuan Miomir Kecmanovic a hmachhawn leh dawn a, a vawi hnih nana Grand Slam title la turin kawng zawh tur erawh a a nei thui. Serbian tlangval Kecmanovic hian Tallon Griekspoor 4-6, 7-6(7), 1-6, 6-2, 6-3 in a lo hneh ve thung.

Alcaraz a nghet

Carlos Alcaraz pawh nghet takain a la ding zel - champion lai hian Wimbledon match a zawna vawi kua chak turin Aleksandar Vukic chu 7-6(5), 6-2, 6-2 in a hneh a, third round-ah seeded 29-na Frances Tiafoe nen an inhmachhawn leh dawn a ni.

Grand Slam vawi thum champion tawh Alcaraz chuan, "Ka khelh danah ka lawm, a bik takin set hmasa ber ka khelh dan kha a lawmawm zual, a hnu lam kha thui takin hril zui a ni," a ti. A tum leh tur Frances Tiafoe hian Borna Coric chu 7-6 (7-5), 6-1, 6-3 in a hneh ve thung.

Player langsar dang Daniil Medvedev pawh a chak - Russian tlangval hian set a hloh hmasak zeuh hnuah Alexandre Muller chu 6-7 (3-7), 7-6 (7-4), 6-4, 7-5 in a hneh, chak tur hian darkar thum leh minute 28 chhung Centre Court-ah hun a hmang a ni.

Casper Ruud erawh a chak lo, seeded pariatna hian world number 94 Fabio Fognini chu 6-4, 7-5, 6-7 (1-7), 6-3 in a ngam lo! Mipa singles inkhel dangah seeded 12-na Tommy Paul leh Thanasi Kokkinakis te an chak a; Gael Monfils leh Stan Wawrinka te erawh eng a ṭhat loh avangin an zo hman lo.