Max-a elphak tum ngam Norris

Lando Norris chuan a team McLaren chungah rinna a nghat tih a sawi a, tun hnaia an hmasawn dan ngaihtuahin Formula 1 champion lai Max Verstappen el an tum tih a sawi bawk.

Intlansiak hnuhnung ber Austrian Grand Prix-ah Norris hi a tlan ṭha viau a, chutihrualin Red Bull driver Max-a nen a tawp lamah intai palhin inelna a hmachhawn tluan thei ta lo a ni.

McLaren driver Norris chuan, "Intlansiakna hautak hmachhawn kan duh, chu chu kei leh ak elpui ten kan hria. Chutihrualin intlansiak tawp lama in bakkaih palh ang erawh kha chu thleng lo hram se ka duh," a ti.

Pathianni zan dar 7:30 hian Silverstone tlankawngah British Grand Prix an tlan leh dawn a, tun hnaiah Red Bull hian elbuai phaktu an neih zauh zauh avangin inelna a hmuhnawm leh hle ang.