Saints-ah Edwards a lut

Southampton chuan defender Ronnie Edwards chu Peterborough United aṭangin kum li chhung atan an lalut, a man zat hi chiang faka sawi ni lo mah se pound maktaduai thum niin khawthlang chanchinbu te chuan an tarlang.

Kum 21 mi Edwards hian season hmasa khan League One club tan match 45 a khel, a team Peterborough hi Bristol City lakah hnehna chanpuiin EFL Trophy a lakpui a ni.

Saints hian nipui bazarah Adam Lallana leh Charlie Taylor te chu man nei loin Brighton leh Burnley aṭangin an lalut a, Taylor Harwood-Bellis chu loan hmangin Manchester City aṭangin an hawh bawk.