LeBron James tan contract thar?

Los Angeles Lakers tan thu lawmawm a awm - LeBron James chuan season hnih dang khel leh turin Lakers nen an inrem a, an inremna hi la ziah fel ni chiah lo mah se US chanchinbu te chuan an inrem chian bakah, dollar maktaduai 104 hu a ni thu thlengin an tarlang tawh a ni.

James hian kumin December thlaah kum 40 a tling tawh dawn a, a club tan hian a khel zawm dawn nge dawn lo tih zawhna a awm rei hle, mi ṭhenkhat chuan James hian Lakers hi player ṭha dang la turin a beisei niin an sawi bawk.

Tun hnai khan Lakers-in James-a fapa Bronny James an lalut a, kar hmasa lama thil thleng avang hian James pawh a fapa nen an khel dun thei dawn tihna a ni a, NBA vawi li champion tawh hian a fapa nen mellung pawimawh an phun ang.