Everton player thar Ndiaye

Premier League club hlun Everton chuan an squad an thuam chak zel - Iliman Ndiaye chu Marseille aṭangin pound maktaduai 15 sengin an lalut, Senegal forward hian season nga chhung atan contract a ziak.

Kum 24 mi Ndiaye hian nikum nipui lai khan Sheffield United aṭangin Marseille hi a zawm. Ligue 1 club tan hian match 46 aṭangin goal li a khung a, a club hi Europa League semifinal a thlenpui.

Everton manager Sean Dyche chuan, "Iliman Ndiaye hi a kum la tam lo mah se European football mai bakah ram tan tawnhriat a nei ṭha tawh hle, kan squad min ti chaktu a ni ngei ang," tiin a player thar lakah beisei a nei sang hle.

Tun nipui chhungin Everton hian player pathum an la lut tawh - Ndiaye hma hian winger Jack Harrison chu loan hmanga an chhuahna aṭangin a la let a, central midfielder Tim Iroegbunam chu Aston Villa aṭangin an la nghet bawk.