Venezuela hmaah Canada

Copa America khelh laiah Inrinni zing hian Venezuela leh Canada ten quarterfinal an khel dawn, tukin hian champion lai Argentina leh Ecuador ten semifinal luh an inchuh bawk.

Canada tan Copa America hmasa ber a ni a, an tan thil thar zel a la ni. Leeds United manager lui Jesse Marsch enkawl team hian group stage an khelh chinah chuan goal khung an harsat.

Peru an hneh ṭumin Jonathan David chuan goal khat lut awmchhun a khung a, match dangah Argentina an hneh loh bakah Chile nen goal lut loin an inhnehtawk, tun ṭumah chuan tlang turin goal khung ngei ngei a ngai dawn.

Copa America vawi khat khelhnaah ram tam takin quarterfinal an lut phak ngai lo - Mexico leh Hunduras te hnung zuiin Canada hi a vawi khatnaah a thiam zual pariat zingah an tel a ni a, an mumang ram hi chhawm nun theih an duh ngei ang.

Ram pahnih Venezuela leh Canada te hi tun hmainh vawi hnih an inhmachhawn tawh a, friendly match niin an inhnehtawk ve ve, an intawn hnuhnung zawk chu kum 2010 May thla kha niin 1-1 in inkhel a tawp, tun ṭumah pawh hian an inkhel tawk hle tura ngaih a ni.