Bellingham hrem mah se inkhel dawn

Jude Bellingham-a'n Slovakia lakah si phurh sutna goal a khung a, a goal khung mawi tak hi pangngai taka lawm ve ta mai loin, a kap bawr khawih chungin a lawm.

Real Madrid midfielder hian Slovakia bench lam a tihelah ngaih a ni a, mahse, kum 20 mi midfielder chuan, "Ka ṭhian kawmngeih takte ka fiamna a ni a, midang tihelna a awm lo. Zanina an khelh dan avangin Slovakia kha ka zah em em zawk a ni," a ti.

Mahse, UEFA chuan Bellingham chet dan chu zahawm lo tiin an chhui zui a, €30,000 (Rs.27,10,770) chawi turin an ti a, Three Lions fan-te hlauhthawn ang em erawh thleng loin, zaninah Switzerland a hmachhawn thei dawn - mahse, Bellingham hian a tisual leh a nih chuan match khat khel thei lo tura hrem a ni nghal ang.