Mi danglam Emi Martinez

Argentina si ban nghaktu Emi Martinez hi a chet dan danglam tak avangin mi ṭhenkhat chuan an ngaina lo, amah ṭantute tan erawh a lawm awm em em thung si. Copa America an champion hmasak leh World Cup an champion theih nana mi pawimawh bik a ni.

Copa 2024-ah pawh a la danglam chuang lo, an ram beiseina chhe hman lek lek chu a chhanhim leh ta. Aston Villa goalkeeper chuan, "World champion leh South America champion kan ni a, ka ṭhiante hnenah khan tla thei mai ka lo ni lo tih ka hrilh.

"Khelmual pawn aṭang khan Argentine mipui ten min thlawp ṭha em em a, ka chhungte pawh a hmunah an awm. Mipui hmuh duh ang takin a tawpah kan chak, training laia vawi tam ka zir ṭhin chu a hlawhtlinna ka hmu," a ti.

Martinez hian ram tan penalty vawi 24 a hmachhawn tawh a, heng zinga pakua chu lo dansakin pahnih chuan goal pawnah a kal - vawi 12 chauh a chhuah! Penalty a hmachhawn zinga 50% chauh a chhuah tihna a ni.