Swiatek a chak nuamsa

Iga Swiatek chuan tunlai hmeichhe tennis player ṭha leh langsar bik a nihzai a lantir leh ta a, a zawna match 21 a chakna ni turin Petra Martic chu 6-4, 6-3 in a hneh - seeded pakhatna hian third round-ah chuan Yulia Putintseva a tum leh ang.

Polish nula Swiatek hian season a hmang ṭha takzet - tun hnaiah a zawnin Madrid, Rome leh French Open nomawi a chawi vek. Tunah hian a vawi khat nan Wimbledon title lak leh a tum mek a, season dang aiin beiseina pawh a nei sang a ni.

Kum 23 mi Swiatek chuan, "Ka tan chuan grass court hi inkhelh harsatna hmun a ni ṭhin, kumina ka khelh dan erawh a lawmawm. Tun anga ṭha hian khelh chhunzawm theih ka duh hle," tiin a sawi.

Ningani zan hmeichhe singles inkhel dangah, kum 2022 champion Elena Rybakina chuan Laura Siegemund chu 6-3, 3-6, 6-3 a hnehin second round a paltlang ve bawk.