Rooney-a'n England a enkawl dawn

Manchester United legend Wayne Rooney chuan September-a Soccer Aid charity football match-ah England team a kaihruai dawn a, Sam Allardyce chu co-manager niin David Seaman chu England goalkeeping coach a ni ang. 

UNICEF puala inkhelah hian England hi World XI nen an inkhel dawn a, kum 34 mi Rooney hi a khelh mekna Derby County chuan England team enkawl hi an phalsak a ni. Kum 2006 aṭanga khelh ṭan Soccer Aid-ah hian celebrity leh footballer-te intelkhawmin an inkhel ṭhin a, khelh a nih ṭantirh aṭang hian pound maktaduai 38 an thawk chhuak tawh.