Chess inelna an zo fel

Mizo Zirlai Pawl (MZP) leh Mizoram Chess Association (MCA) buatsaih - 11th Mizoram Inter-School Chess Championship 2024 chu Ramhlun Indoor Stadium-ah July 1-4 chhung khan khelh a ni.

Kharna huna khuallian John Tanpuia, Secretary Mizoram State Sports Council chuan thu sawiin, "Khawvel hian Sports hi a ngaisang a, ram changkang apiangin sports an thiam a, ram changkang tehfungah pawh sports hi hman a ni a, khawvel huapa Sports business a sum che vel pawh sang tak a ni," a ti.

11th Inter- School Chess Championship-ah hian school 37 aṭangin zirlai 655 ten inelna an hmachhawn a ni.