Serie A khel tur Spezia

Italian Serie A khel tur a chiang kim - Spezia chuan a vawi khat nan Italy rama football inelna sang ber an khel dawn. Serie B champion Benevento leh Crotone te pawh an hmel kan hmu thar bawk ang.

Hmun ruak pakhat awm hi playoff hmanga hnawhkhah niin, first leg-ah Spezia hian Frosinone chu 1-0 in an hneh. Ningani zan khan second leg khelh niin Spezia hi si khat faiin an tlawm thung a, aggregate-ah 1-1 chiah a ni.

Team pahnih dinhmun a inang a, hei vang hian league table-a an dinhmun en a ni. Spezia hian pathumna ni chungin season an khar a, an khingpui Frosinone hi pariatna an nih thung avangin an tlang zawk.

Spezia hi 1906 daih tawha din kha a ni a, Italy ram football inelna sang hi First Division tih a nih laiin kum 1920 vel bawr khan an lo khel tawh, mahse Serie A tia hming an thlak hnuah chuan tun season hi an khelh ve vawi khatna tur chauh a ni.