Contract thar ngaihven lo Robben

Bayern Munich win-ger Arjen Robben chuan Allianz Arena-ah kum khat chiah contract nei tawh mah se contract thar lamin a rilru a luah loh thu leh a rilruah ṭha taka khelh leh theih dan chiah a ngaihtuah thu a sawi.

Kum 32-a upa winger hian season hmasa kha hliam vangin Bayern tan match 21 chiah a khel a, khelmual chhungah a inlan tam lo hle. Hetichung hian club president Karl-Heinz Rummenigge chuan an player hi contract thar an zawrh tur thu a sawi chhuak.

Mahse, Netherlands international chuan, "Ka tana pawimawh ber chu pre-season training kan neih hunah dam ṭhat hman hi a ni. Hma ka sawn ve zel a, first-team training zawm turin ka dinhmun a ṭha leh tawh hle. Tunah chuan contract thar lamin ka rilru a luah pha meuh lo a, ka duh ber chu dam leh hrisel taka inkhelh leh thuai hi a ni," tiin dam ṭhat phawt chu a tan a pawimawh ber thu a sawi.