Sevilla coach thar tur Sampaoli

Spanish club Sevilla coach Unai Emery-a'n sawmna ṭha zawk a hmuh avangin contract tihtawp a dil a, La Liga club hian a thlak nan Chile boss hlui Jorge Sampaoli an lalut ngei dawn niin a lang ta.

Emery hian kum 2013 January thla khan Sevilla hi enkawlin tun hnaiah a zawnin Europa League-ah
ṭum thum ngawt a cham-pion pui tawh a, tunah hian Ligue 1 champion Paris Saint Germain nen sawi zawm mek a ni.

Kum 56-a upa Sam-paoli hian tunah team enkawl lai a nei lo a, kum 2012 leh 2016 inkar khan Chile enkawlin 2014 FIFA World Cup-ah second round a thlen-pui bakah nikum khan Copa America-ah a champion pui bawk. Nikuma Chel-sea-in Jose Mourinho an ban khan Blues nen hian nasa takin sawi zawm a lo ni ve tawh nge nghe.

Thuchhuah siamin Sevilla chuan, "Sevilla chuan Unai Emery dan hremi hnen aṭangin club chhuahsan a duh thu kan dawng. Season tharah he hmuna la awm chhunzawm ai chuan chona thar hmachhawn a duh zawk a ni. Ani hian karleh lamah min chhuhsan fel dawn a nih chuan a hmun ruak luah turin Jorge Sampaoli nen inbiakna kan neih fel thuai beisei a ni," tiin an coach-in ama duhthua chhuah a duh thu an tarlang.

Hetihlai hian Emery-a'n a thlak tur nia an sawi PSG manager ṭanglai Laurent Blanc erawh a hna aṭangin a la chawl lo thung a, a agent Jean-Pierre Bernes chuan club nen inbiakna an la neih tur thu a sawi thung.

Bernes chuan,"Tunah chuan Blanc hi chawlh hmangin a awm mek a, PSG hian kalphung thar a nei dawn tih chua hriatsa ni tawh mah se coach hmalam hun hi chu kei leh club thuneitu ten kan la sawiho ang," tiin a sawi thung a ni.