United chhuahsan tum lo Fellaini

Manchester United midfielder Marouane Fellaini chuan Old Trafford chhuahsan a tum loh thu sawiin United manager thar Jose Mourinho nen pawh an inbiak tawh thu a sawi.

Louis van Gaal-a hnuaia pla-yer rinrawl zinga mi Fellaini hi Portuguese manager-in United a enkawl dawn vanga chhuak tur zingah sawi tel ni mah se Belgian midfielder chuan, "Mourinho hian United manager a nih thu puan a nih hnu lawkah SMS hmangin min bia a, United-a kan thawh ho dawn vanga a lawm thu leh Euro-a ṭha taka ka khelh theih nana min duhsak thu a sawi a ni," a ti.

Kum 28-a upa midfielder chuan sawi chunnzawmin, "Ka hmalam hunah buaina tur a awm lo a, United-ah contract ka la nei a, manager ṭha tak Jose Mourinho a lokal bawk avangin a phurawm a ni. Jose hian a kalna apaingah nomawi chawi a duh ṭhin a, a hnuaia khelha min rin theih nana theihtawp chhuah hi ka tih tur chu a ni," tiin a phur hle.

Fellaini-a te ram Belgium hian nizan khan Italy chu Euro 2016-a an match hmasa ber an khelhpui a, he chanchin buatsaih a nih lai hian an result erawh kan hre hman lo.