Murray coach thar chu a hlui

World number 2 Andy Murray chuan grass court tournament ṭha taka khelh a duh a, tun hma lama a lo thawhpui tawh Ivan Lendl nen an thawkdun leh dawn.

Britain number 1 Murray hi thla hmasaa khelh French Open ṭan dawn khan a coach Ame-lie Mauresmo nen an in-
ṭhen a, Roland-Garros-ah hian final lut mah se world number 1 Novak Djokovic a hneh lo.

Tennis a khelh laia world number 1 pawh lo ni tawh Ivan Lendl kaih---hruaina hnuaiah Murray hian kum 2012 aṭanga 2014 chhung khan Wimbledon leh US Open bakah Olympic-ah te a champion hman a, hemi hnuah hian Grand Slam-ah a la champion zui leh lo.

Kum 77 hnua British mipa zinga Wimbledon champion leh thei hmasa ber Murray chuan, "Lendl nen kan thawkdun leh thei tur hi ka lawm a, ani hian inkhel hautaka hnehna chan dan a hriat avangin ka hmalam hunah beiseina ka neih san phah a ni," tiin a sawi.