Juve player thar tur Pjanic

Serie A champion Juventus chuan Bosnia Herzegovina international Miralem Pjanic chu pound maktaduai 30 vel bawrin an la lut ngei dawn niin a lang.

AS Roma midfielder hian season hmasa khan league-ah goal 10 a khung a, a club hi pathumna nih puiin season thara Champions League khel turin a hruai kai.

Kum 26-a upa player fing tak hi Premier League club lama kal tur anga sawi awm reng mah se Italian champion hian an chang thung dawn. Turin club-a lut tur hian medical test chauh a ngai tawh niin report ṭhenkhat chuan an tarlang hial.

Pjanic hian kum 2011 khan French Ligue 1 club aṭangin pound maktaduai 11 in Roma hi a zawm a, goal ropui tak tak khung thei a nih vangin hriat a hlawh a, Serie A midfielder langsar ber pawl a ni mek.