Reading manager thar Stam

Manchester United defender hlui Jaap Stam chu Reading manager thar a ni dawn. Kum 43-a upa manager hian thla ruk chiah Royals (Reading sawina) a enkawl hman tiha ban tawk Brian McDermott-a hmunruak a luah dawn a ni.

Kum 1999-a Manchester United treble champion an nih ṭuma player pawimawh pawl Stam hian player angin tawnhriat ngah viau mah se manager a nihna ang erawhin tawnhriat a la ngah lo hle.

Ajax aṭanga 2006-07 season zawha inkhelh a chawlhsan hnuah Manchester United scout a ni a, kum 2009 khan Dutch league club FC Zwolle-ah manager lailawk niin 2011-13 ah assistant manager a ni a, kum 2013 aṭanga season hmasa thleng khan Ajax-ah assistant hna a thawk bawk.

Season hmasa Championship-a 17-na dinhmun luahtu Reading hian British mi ni lo manager atan an la ruai ngai lo a, Stam hi a hmasa ber tur a ni dawn a ni.