Euro 2016 Beisei phak lo France inlan zan

Zanin dar 12:30-ah an match hmasa bera beisei phak lo France-an inlan dawn a, Didier Des-champs-a naute hian team tenau zawka ngaih Albania an hmachhawn dawn avangin mipui beiseina a sang dawn.

Euro 2016 match hmasa bera beisei phak baka khel ṭha chunga chak zo ta lo Romania chuan Albania hnehtu Switzerland an hmachhawn dawn bawk a, team pahnih hi players intluk tawk tak an nih avangin an hmuhnawm ang.

Engtin nge France?

France coach Didier Des-champs-a'n khelmual pawn lama buaina nei Karim Benzema tel loa Euro 2016 khelh a thlang a - Real Madrid forward tel lo pawhin France hian tlarhmah player an nei ṭha tawk. Mahse France-in an match hmasa berah hun tawp dawna Dimitri Payet goal ropui hmangin Romania chu 2-1 in an hneh hram a, Albania laka an insiamṭhat mipuiin an beisei dawn.

Deschamps-a'n Romania an hmachhawn ṭumin 4-3-3 for-mation a hmang a, midfield laiah tharum ngah rual Paul Pogba, N'Golo Kante leh Blaise Matuidi-te inkawpin tlarhmaah Antoine Griezmann, Olivier Giroud leh Dimitri Payet-te an inkawp a, bench lamah Anthony Martial leh Kingsley Coman-te an la awm cheu avangin eng team tlar-hnung tan pawh France tlarhma hma-chhawn hi thil chakawm a ni lo.

Mahse maw..

France squad a chhah ṭha tawk a, Romania an hmachhawn ṭuma an chakna erawh minute 89-na a Payet-a goal ropui a ni. Mahni ram ngeia Euro khel France khelh danin sawisel a hlawh a, a bik takin club tana an khelh dan phak lo pahnih Griezmann leh Pogba chu sawiselna tawk nasa an ni.

Mahse, France midfielder Moussa Sissoko chuan a ṭhiante pahnih hi chhanin, "Media-te hian Paul Pogba ringawtah in rilru in seng nasa lutuk a ni. Game hmasa ber hi tu tan pawh a harsa ṭhin a, Albania kan hmachhawn hunah chuan kan danglam tawh ang. Griezmann pawh a theihna leh thiamna kan hre vek a, mah se kan inkhel hi mi pahniha innghat ni loin team pumpuia innghat a ni," tiin an vaia insiamṭhat an mamawh thu a sawi.

Newcastle United midfielder chuan coach Deschamps-a'n pla-yer siksawi chungchang a sawi lan thu a sawi nghal bawk a, zaninah France starting XI-ah hmel thar kan hmu a nih pawhin a mak lo ang.

Albania ve thung

Albania coach Gianni De Biasi-a'n an match hmasa bera Switzerland an hmachhawn
ṭum-in a naute attacking football khelhtirin 4-3-3 formation a hmang a, 1-0 in vanduai zawkah
ṭang mah se Switzerland tlarhnung an chhaih mangang ngun hle.

Mahse, zaninah erawh team chhe zawk an nih dawn miau avangin Albania tan defensive game khelh a fin thlak ang. Alba-nia tana chanchin lawmawm lo erawh an tlarhnung innghahna captain Lorik Cana khel thei lo tur hi a ni. Nantes defender hi Swit-zerland an hmachhawn ṭumin hnawh-chhuah a ni.

Albania hian goal ban inkara ding turin Lazio keeper Etrit Berisha an nei a, kum 2014-a Serie A Foreign Goalkeeper of the Year ni thei hi France tlarhmain an paltlang theih dawn leh dawn loh zaninah a hriat dawn.

Team intluk tawk

Zanin dar 9:30-a Romania leh Switzerland inhmachhawn tur hi team intluk tawk tak an nih avangin inkhel hmuhnawm a ni dawn tih hi thil chiang sa a ni. Romania-in khel ṭha tak chungin an match hmasa berah France an hneh lo a, a thlengtu ram an hneh loh ṭuma an khelh dan anga an khel leh thei a nih ngat chuan Switzerland tan buaipui tham an ni dawn.

Switzerland-in an match hma-sa berah minute 5-na leka Fabian Schar goal khung chhawr ṭangkaiin Albania 1-0 in an hneh a, mah se minute 53 chhung players kim loa khel Albania lakah Swiss player rualin goal dang an khung chhunzawm thei lo - zaninah chak an duh chuan an insiamṭhat a ṭul ang.

Romania hi...

Romania-in France an hma-chhawn ṭumin tlarhnung venhim ringawt ngaihtuah loin 4-3-3 formation an hmang a, France nawr ngam Romania hian Switzerland lakah goal khung ngei tumin attacking football an khelh ngei a rinawm.

Anghel Iordanescu-a kaih-hruai Romania team tan Napoli defender Vlad Chiriches chu tlar-hnung khaikhawmtu a ni a, tlarhmaah France laka penalty pet goal tu Bogdan Stancu leh Cordoba striker Florin Andone-te hi Switzerland tlarhnung chhaih mangang turin an ṭha tawk.

Swiss an chhe lo

Vladimir Petkovic enkawlna hnuaia khel Switzerland hian Albania an hmachhawn ṭumin 4-2-3-1 formation an hmang a, an hlawhtlinpui. Switzerland tlarhnung hi Arsenal defender hlui Philippe Senderos tel phak lohna an ni a, an chhe lo.

Switzerland-in an match hmasa berah Juventus defen-der Stephan Lichtsteiner, Hoffen-heim centre back Fabian Schar, Hamburg captain Johan Djourou, VfL Wolfsburg left-back Ricardo Rodriguez-te ho tlarhnungah an dintir a, si ban nghaktu chu Borussia Monchengladbach keeper Yann Sommer a ni - Roma-nian striker-te ṭawngṭai chhanna an ni lo tawp ang.

Arsenal player lei thar Granit Xhaka chu Switzerland midfield khaikhawmtu a ni a, tlarhma lamah Stoke City winger Xherdan Shaqiri leh Bayer Leverkusen forward Admir Mehmedi-te hi buaipui tham khawpa khel chhuak thei an ni bawk.