Norwich-ah Jerome a nghet

Premier League ṭang-in tla mah se Norwich City chuan an striker Cameron Jerome an chelh chhunzawm zel dawn a, kum thum chhung atan contract thar ziah puiin thla 12 thleng pawh sei theih a la ni bawk ang.

Kum 2014 nipui lai khan Stoke City aṭangin kum 29-a upa Jerome hian Norwich hi a zawm a, Canaries tan hian match 80 a khelh tawh aṭangin goal 24 a khung tawh. 2014-15 season bikah khan goal 21 khungin Championship-ah hlawhtlinna a chan pui nghe nghe.

Season liam ta khan Norwich hian Premier League-ah point 34 hmuin 19-na dinhmun an luah a, season tharah chuan Championship lamah Aston Villa leh Newcastle te nen an inlan ho dawn a ni.