Barcelona-in pawisa an chawi dawn

Barcelona-in kum 2013-a Neymar an lakluh danah tihsual an nei ngei tih an pawm a, euro mak-taduai 5.5 (£4.3m) an chawi dawn.

Club president Josep Maria Bartomeu chuan, "Kum 2011 leh 2013 inkar chho khan Neymar kan lakluh danah chhiah chungchangah tihsual kan nei a, chuvangin euro maktaduai 5.5 chawi tura min tihna hi kan pawm mai a ṭul a ni," tiin a sawi.

Neymar hian June 2013 khan Santos aṭangin Barcelona hi a zawm a, Catalan club sawi danin Brazilian forward man hi euro maktaduai 57 niin player chhungten euro maktaduai 40 an dawng a, Santos lamin euro makdatuai 17 an dawng.

Amaherawhchu Neymar transfer chungchang chhuichiangtute chuan Brazil forward manah hian euro mak^-taduai 83 a hnaih thuak niin an sawi thung a, hei hi Catalan club-in an pha.

Barcelona hian kum 2014 khan tihsual an nei tih pawm duh chuang loin kum 2014 khan chhiah atan euro maktaduai 13.5 an lo pe tawh a, tunah chuan an tihsual an pawm ta.

Neymar leh a pa pawh pawisa hlep duh vangin transfer nana pawisa sen zat hi a zep ru ṭhen nia puh an ni. Santos tana a khelh laiin Neymar neitu nihna Brazilian investment fund pakhat chuan 40% lai an nei a, an chan tur zat an chang loah an ngai ve bawk. Brazil lamah chuan Neymar hi chhiah awl rua puh a nih avangin an chhui chiang mek.