Foxes-ah Wasilewski a rinawm

Leicester City de-fen-der Marcin Wasilewski chuan Premier League champion tan kum khat atan a contract a ziak belh.

Kum 36-a upa defen-der hi season liam ta khan centre back Wes Morgan leh Robert Huth thachhangdawltu a ni a, match riat chiah starting eleven a chang.

Polish defender chuan, "Kum khat atana contract ka ziah belh thei hi ka lawm hle a ni," tiin Instagram-ah a ziak.

Wasilewski hian free transfer-in kum 2013 khan Foxes hi a zawm a, club tan hian vawi 72 inlan tawhin goal hnih a khung. Polish defender hian ram tan vawi 60 khel tawhin Euro 2016-ah ram tana khel tura koh a ni lo a, Poland tana a inlan hnuhnun ber chu kum 2013 daih tawh kha a ni.