Palace tan Speroni leh Delaney an rinawm

Crystal Palace duo Julian Speroni and Damien Delaney te chuan an club-ah thla 12 dang cham chhunzawm turin contract thar an ziak.

Kum 37-a upa Speroni hian season hmasa Premier League match hnuhnung bera Palace tana goal a ven khan John Jackson record nihrualin match 388 a khel tling chiah. Keeper ruala contract pawtsei defender Delaney pawh hi kum 2012-a Ipswich aṭanga Palace a zawm aṭangin player pawimawh a ni bawk.

Palace hian an player pahnih contract pawt sei mah se an insiksawi nasa dawn tih a chiang a, striker Emmanuel Adebayor, goalkeeper Chris Kettings, defenders Brede Hangeland, Adrian Mariappa leh Paddy McCarthy te bakah forward Marouane Chamakh te chu Selhurst Park aṭangin an chhuahtir dawn a ni.